जब सब हि अङ्ग्रेजी बोल्बै करि २
तो अवधी हमार क होइ ? क होइ ए भैया २
१-गवा अहिरौवा, हेरान धोबियौवा,
हेरान धोबियौव हेरान कहरौवा !।
जब फिल्मी गजलवा सब सुनबो २
तब कजरी बिरहवा क होइ ? क होइ हो भैया क होइ २
२- फैसन कय झन्डा हिमालय से उचा
पहिरन का अपने सम्झत है निचा ।
जब सब हि पहिरहय बिदेशी माडल २
धोतीकुर्ता औ गम्छा क होइ ? क होइ हो भैया २
३-गोझिया,गुल्गुला, हेरात है सतुवा
सिर्का, मुर्ब्बा न मिलि दलभरुवा ।।
जब चौमिन औ मोमो सब खाबो २
सेवइ औ बफौरी क होइ ? क होइ हो भैया क होइ २
४- फैसन मे रिस्ता नाता हेराइ
मौसी,बुवा ,मामी के अन्टी कहाइ ।।
मामा काका फुफा जब एक होइ हय २
संस्कार अवध कय क होइ ।। क होइ हो भैया …..
✍️ निरहु यादव , कपिलवस्तु
