Else Kröner Fresenius Preis für Medizinische
Entwicklungszusammenarbeit 2023Berlin, 17.10.2023.
जर्मनीस्थित इ.के.एफ.एस. नामक संस्थाले विश्वभरका ३५ भन्दा बढी संघसंस्थामध्येबाट आइएनएफ नेपाललाई स्वास्थ्य क्षेत्रमा त्यसमा पनि विशेषगरेर कुष्ठरोगको उपचार तथा निराकरणमा ७० वर्षभन्दा बढी समयदेखि अनवरत रुपमा पुर्याउँदै आएको योगदानको उच्च मूल्यांकन गर्दै सो अवर्डा प्रदान गरेको हो ।
सो अवार्ड आइएनएफ नेपाल हरियोखर्क अस्पताल तथा पुनस्र्थापना केन्द्रका कर्मचारी दोरोथीदास परियार र थमबहादुर गुरुङलाई हस्तान्तरण गरिएको थियो । पुरस्कारको राशि १ लाख यूरो छ ।
जर्मनीको राजधानी बर्लिनमा भर्खरै सम्पन्न समारोहमा पुरस्कार ग्रहणका लागि संस्थाको तर्पmबाट कार्यकारी निर्देशक कृष्ण अधिकारी र मेडिकल सर्भिसेज डाइरेक्टर डा. अरुणकुमार बुढा पनि सरिक भएका थिए ।
कार्यकारी निर्देशकले यस सम्मानले आईएनएफलाई कुष्ठरोगको रोकथाम, शीघ्र पहिचान, उपचार तथा रोग न्यूनीकरणमा थप हौसला मिलेको उल्लेख गरे ।
कार्यक्रममा जर्मन आर्थिक सहयोग तथा विकास संघीय मन्त्रालयका संसदीय राज्य सचिव माननीय डा. बार्बेल कोफ्लर, जर्मनीस्थित नेपाली राजदूत रामकाजी खड्का, इ.के.एफ.एस.र टेराटेकका बोर्ड पदाधिकारी तथा कर्मचारी, प्राडा गिसेला ब्रिट्जेल, प्राडा भगवान् कोइराला साथै अन्य अन्तर्राष्ट्रिय तथा नेपाली लब्धप्रतिष्ठित व्यक्तिको समेत उपस्थिति थियो ।
आइएएनफ २००९ सालदेखि नेपालमा कार्यरत छ ।
