चैत, कपिलवस्तु ।
कपिलवस्तुको मायादेवी गाउँपालिका वडा नम्बर २ भैंसकुण्डा गाउँका गहुँ खेतमा आगलागी हुँदा करिब ३ बिघा खेतको गहुँ नष्ट भएको छ ।
बुधबार मध्याह्न कम्बाइन मेसिनको प्रयोग गरी गहुँ काट्ने बेला खेतमा आगो सल्किएर अनियन्त्रित भएपछि गहुँ काट्ने मेसिन पनि पूर्णरुपमा जलेए नष्ट भएको छ ।
जिल्ला प्रहरी कार्यालय कपिलवस्तुका प्रवक्ता एवम् डिएसपी हरि ओलीका अनुसार पाँच जना किसानको करिब ३ बिघा खेतको गहुँ जलेर नष्ट भएको छ ।
मध्याह्न १२ बजेर १५ मिनेटमा प्रहरी टोली आगो निभाउन खेतमा खटिएको र स्थानीय तथा दमकलको सहयोगमा १२ बजेर ४५ मिनेटमा नियन्त्रणमा लिएको बताइएको छ ।
