कपिलवस्तु — नेपाल पुस्तक तथा स्टेसनरी व्यवसायी महासंघ जिल्ला शाखा कपिलवस्तुको १७औँ वार्षिक साधारण सभा तथा ९ औँ अधिवेशन आज पुष ५ गते शनिबार सम्पन्न भएको छ। बाणगंगा नगरपालिका–३, राजापानीमा सम्पन्न अधिवेशनले नयाँ कार्यसमिति चयन गरेको छ।
अधिवेशनबाट रणबहादुर क्षेत्री अध्यक्षमा चयन हुनुभएको छ। यस्तै, शालिकराम पौडेल र विजय कुमार गुप्ता उपाध्यक्षमा चयन भएका छन्। सचिवमा डासुराम पोख्रेल चयन हुनुभएको छ भने शालिकराम पौडेल कोषाध्यक्षको जिम्मेवारीमा चयन हुनुभएको छ।
त्यसैगरी, सदस्यहरूमा श्री कुमारी गन्हा, सीता डुम्रे, बालकृष्ण आचार्य, देवलाल सापकोटा, नुर मोहम्मद, दीपक धिमिरे र निरहु यादव चयन भएका छन्।
कार्यक्रममा महासंघको उद्देश्यअनुसार गुणस्तरीय उत्पादन, मर्यादित व्यापार र व्यवसायीहरूको संगठनात्मक सुदृढीकरणमा जोड दिइएको थियो। अधिवेशनले आगामी दिनमा पुस्तक तथा स्टेशनरी व्यवसायीहरूको हकहित संरक्षण, व्यवसायिक क्षमता अभिवृद्धि र सहकार्यलाई थप प्रभावकारी बनाउने निर्णयसमेत गरेको छ।
यसअघि महासंघ जिल्ला शाखा कपिलवस्तुको अध्यक्षको जिम्मेवारी अर्जुन चापागाईंले सम्हाल्नुभएको थियो। कार्यक्रमका क्रममा नवनिर्वाचित कार्यसमितिलाई बधाई तथा सफल कार्यकालको शुभकामना व्यक्त गरिएको थियो।
