कपिलवस्तु, असोज ३० ।
शिवराज न.पा. ९ बिजगौरीका २४ वर्षीय विरेन्द्र घर्ती मगरलाई प्रहरीले भरुवा बन्दुकसहित पक्राउ गरेको छ। घर्तीले स्थानीयलाई धम्क्याएको खबर पाएपछि प्रहरीले खोजतलास गर्दा उनलाई शिवगडी मन्दिर जाने बाटोको जंगलमा भरुवा बन्दुक लुकाएर राखेको अवस्थामा फेला पारेको हो। बिना अनुमति बन्दुक राखेको अभियोगमा घर्तीलाई वडा प्रहरी कार्यालय चन्द्रौटाले थप अनुसन्धान गरिरहेको छ। घर्तीलाई आज बिहान ८ बजे नियन्त्रणमा लिइएको वडा प्रहरी कार्यलय चन्द्रौटाले जनाएको छ।
