तौलिहवा, कपिलवस्तु – जिल्ला प्रहरी कार्यालय कपिलवस्तु अन्तर्गत पिपराकोठी खटिएको प्रहरी टोलीले श्रोत नखुलेको २८ लाख ५० हजार रुपैयाँसहित चारजनालाई पक्राउ गरेको छ।
प्रहरीका अनुसार २०८१ साल फागुन २३ गते राति करिब ४ः४५ बजे कपिलवस्तु नगरपालिका-४ स्थित जितपुरको एक होटलमा शंका लागेपछि प्रहरीले जाँच गर्दा सो रकम बरामद भएको हो। पक्राउ परेका व्यक्तिहरूमध्ये एक भारतीय नागरिक रहेका छन् भने अन्य तीन नेपाली नागरिक हुन्।
बरामद रकममध्ये नेपाली रुपैयाँ १४ लाख ५० हजार र भारतीय रुपैयाँ १४ लाख रहेको प्रहरीले जनाएको छ। पक्राउ परेका व्यक्तिहरूलाई आवश्यक अनुसन्धानका लागि प्रहरीको नियन्त्रणमा राखिएको छ।
प्रहरी नायब उपरीक्षक (डीएसपी) मोहन मणि अधिकारीका अनुसार पक्राउ परेका व्यक्तिहरूमाथि अनुसन्धान जारी रहेको छ र आवश्यक कानुनी प्रक्रिया अघि बढाइनेछ।
