काठमाडौं । नेपाली कांग्रेसका सभापति शेरबहादुर देउवा स्वास्थ्य उपचारका लागि सिङ्गापुर प्रस्थान गरेका छन् ।
पूर्वप्रधानमन्त्रीसमेत रहेका देउवा गएराति सिंगापुर उडेको उनको सचिवालयले जनाएको छ । देउवाको सचिवालयका अनुसार पत्नी आरजु देउवासँग उनी नियमित स्वास्थय परीक्षणका लागि सिंगापुर गएका हुन् ।
केही वर्षअघि उनले सिंगापुरमा पेटको उपचार गराएका थिए । सोही उपचारपछिको फलोअपका लागि उनी सिंगापुर उडेका हुन् ।
उनीहरु एक सातापछि स्वदेश फर्कने देउवाको सचिवालयले जनाएको छ ।
