कपिलवस्तु , असोज १६
जिल्लाको सदरमुकाम तौलिहवामा राप्रपाको भातृ संगठन राष्ट्रिय युवा मोर्चाको जिल्ला कार्यलय उदघाटन भएको छ ।
तौलिहवाको भिक्षुचोकमा कार्यालय उदघाटन संगै राप्रपाको नेताकार्यकर्ता बिच बिजयदशमी र शुभ दिपावालिको शुभकामना आदानप्रदान समेत गरिएको छ । राप्रपा जिल्ला अध्यक्ष नारायण बहादुर सिंहको अध्यक्षतामा भएको कार्यक्रममा राप्रपाका केन्द्रिय सदस्य एवम् शिवराज नगरपालिकाका मेयर अजय थापा , स्वास्थ्य बिभाग प्रमुख प्रकाश रजौरिया , लुम्बिनी प्रदेश सदस्य दिपक रजौरिया लगायत जिल्ला समन्वय समिती , पालिका कार्य समिती , वडा समिति र भातृ संगठनका नेताकार्यकर्ताको उपस्थिति रहेको थियो ।
कार्यालय उदघाटन र शुभकामना आदानप्रदान कार्यक्रम संगै विभिन्न पार्टी छोडी आएका दर्जनौं ब्यक्तिहरुलाइ केन्द्रिय सदस्य अजय थापा र स्वास्थय बिभाग केन्द्रिय सदस्य प्रकाश रजौरियाले सदस्यता दिइ पार्टी प्रवेश गराएका थिए । कार्यक्रममा नेताहरूले शुभकामना मन्तव्य राख्दै कार्यकर्तालाइ आउदो प्रतिनिधि र प्रदेशसभा निर्वाचनमा सक्रिय रुपमा लाग्न आह्वान समेत गरेका थिए ।
