पोखरा । कास्की मोडर्नाज्ड एकेडमीमा अन्तरसदनात्मक नेपाली भाषा ज्ञान प्रतियोगिता भएको छ ।
नेपाली भाषा विभागको व्यवस्थापनमा सञ्चालित कार्यक्रममा कक्षा ७–१० सम्मका विद्यार्थी सहभागी थिए । भाषा ज्ञान सिप विकासका विभिन्न १० ओटा चरणमा प्रतियोगिता सञ्चालन गरिएको थियो ।
कार्यक्रम उद्घाटन गर्दै विद्यालयका संस्थापक प्राचार्य तथा एन प्याब्सन गण्डकीका अध्यक्ष रामबहादुर मोचीले नेपाली भाषा आफ्नो भाषा भएकाले यसको विकासले मात्र राष्ट्रको उन्नति हुने बताए । उनले हरेक विद्यालयले नेपाली भाषा ज्ञानका लागि महŒवपूर्ण भूमिका निर्वाह गर्नुपर्नेमा जोड दिए । विद्यालयका सहप्राचार्य तथा कार्यक्रम संयोजक शिवलाल उपाध्यायले नेपालीको पहिचान नेपाली भाषाबाट नै हुने भएकाले यस्ता कार्यक्रमले राष्ट्रलाई नै फाइदा पुग्ने धारणा राखे ।
प्रतियोगितामा निलो सदनका गौरव सापकोटा, अलिसा श्रेष्ठ र सचिन बराल प्रथम, रातो सदनबाट अंशु चौधरी, रश्मीका रेग्मी र श्रेया सुवेदी द्वितीय र हरियो सदनबाट आभाष बराल, दिप राना र सहारा क्षेत्री तृतीय भए ।
नेपाली विभागबाट विद्या अर्यालले स्वागत तथा विभागीय प्रमुख निरोज केसीले सञ्चालन गरेका थिए । सरस्वती रेग्मी र इन्दु गौतमको विशेष सहयोगमा कार्यक्रम सम्पन्न भएका थिए ।
