– कपिलवस्तु, २०८१ भदौ १७ ।
कपिलवस्तुको कृष्णनगरमा दुई व्यक्तिहरू लागुऔषध (चरेस) र ठूलो मात्रामा भारतीय रुपैयाँसहित पक्राउ परेका छन्। पक्राउ परेका व्यक्तिहरूमध्ये एक जना महिला छन्, जसको साथबाट ठूलो मात्रामा चरेस बरामद भएको छ भने अर्को व्यक्ति भारतीय रुपैयाँसहित पक्राउ परेका छन्। ईलाका प्रहरी कार्यलय कृष्णनगर अनुसार, कृष्णनगर नगरपालिका वडा नं. ०२ स्थित यात्रुगेटमा दिउँसो १४:०० बजे शिवराज नगरपालिका वडा नं. ०१ चैनपुरकी ६४ वर्षीया कलिसरा पुनलाई चरेस जस्तो देखिने १.४४६ किलोग्राम कालो गिलो पदार्थसहित पक्राउ गरिएको हो। पुनसँगै मोवाइल फोन पनि बरामद गरिएको छ। प्रहरीको प्रारम्भिक अनुसन्धान अनुसार, पुनले यो चरेस भारततर्फ लैजानको लागि संलग्न थिइन्।यसैगरी, सोही दिन साँझ १८:०० बजे, पुरानो बसपार्क नजिक भारतबाट उक्त चरेस लिन भनी आएका रुकुम (पश्चिम) बाफिकोट गाउँपालिका वडा नं. ०७ निवासी ४० वर्षीय भीमसेन खत्रीलाई प्रहरीले पक्राउ गरेको हो। खत्रीको साथबाट १,१०,०००/- (एक लाख दश हजार मात्र) भारतीय रुपैयाँ र एक थान मोवाइल बरामद गरिएको छ। खत्रीले पुनबाट बरामद भएको चरेस लिनका लागि भारतबाट आएका थिए भन्ने प्रहरीको प्रारम्भिक अनुसन्धानले देखाएको छ।पक्राउ परेका दुबै व्यक्तिहरूलाई कपिलवस्तु जिल्ला अदालतमा पेश गरी म्याद थप गरिएको छ र थप अनुसन्धान जारी रहेको छ। यो घटनाले सीमावर्ती क्षेत्रमा लागुऔषधको अवैध कारोबार बढ्दै गएको र तस्करीका गतिविधिहरूलाई नियन्त्रण गर्न आवश्यक सुरक्षा कदमहरू उठाउनुपर्ने माग पुनः बलियो बनाएको छ। अपराधीहरूको विस्तृत विवरण र घटनाको सम्बन्धमा थप अनुसन्धान भइरहेको इप्रका कृष्णनगरका प्रहरी निरीक्षक सुरज खत्रीले बताए ।
