ललितपुरको डीएभी स्कुलले शुक्रबार भरत नाट्यम विशेष शास्त्रीय साँझ सम्पन्न गरेको छ।
बलिउड अभिनेत्री तथा नेपाली चेली मनीषा कोइरालाको आतिथ्यतामा सम्पन्न कार्यक्रममा डीएभी स्कुलका प्राथमिक, निम्न माध्यमिक र माध्यमिक तहका विद्यार्थीले विभिन्न प्रकारका भरत नाट्यम नृत्य प्रस्तुत गरेका थिए। साथै चर्चित भारतीय कलाकारद्वय सौन्दर्या पानापिल र शशी रमेशले बेजोड प्रस्तुति दिएका थिए। डीएभी विद्यालयका प्राथमिक तहका विद्यार्थीले पुष्पाञ्जलि भरत नाट्यम प्रस्तुत गरे भने निम्न माध्यमिक र माध्यमिक तहका विद्यार्थीले व्रmमशः अलरीप्पु र मल्लारी नृत्य प्रस्तुत गरे। भरत नाट्यम प्रशिक्षकद्वय अनु लामा र बिनिता मण्डल पनि विद्यार्थीसँगै प्रस्तुत भएका थिए।
कार्यक्रममा गजवन्दना करुना साधना, पग घुँगरु बन्ध मिरा र तीलना धनश्री नृत्यसमेत प्रस्तुत गरिएका थिए। सांस्कृतिक साँझ सुशीला आर्ट्स एकेडेमी काठमाडौं, स्वामी विवेकानन्द साँस्कृतिक केन्द्र काठमाडौ र डीएभी विद्यालयले संयुक्तरुपमा आयोजना गरेको हो। सुशीला आटर््स एकेडेमिकी संस्थापक युलिया कोइरालाले शास्त्रीय शिक्षाको महङ्कव र विद्यार्थीको सर्वाध्र्गीण विकासको अन्तरसम्बन्ध बारेमा चर्चा गरेकी थिइन्। स्वामी विवेकानन्द सांस्कृतिक केन्द्रका निर्देशक डा. आश्वारी बापतले भरत नाट्यम साहित्य र संस्कृतिको एक अनुपम विधा रहेको चर्चा गर्दै सुशीला आर्टस एकेडेमी र डीएभी विद्यालयले सयुक्त प्रशिक्षण सञ्चालन गरिरहेको सुन्दा आफू निकै हर्षित भएको बताइन्। प्रमुख अतिथि अभिनेत्री मनीषा कोइराला बाल्यकालमा भरतनाट्यम र मणिपुरे नृत्य सिकाएकी स्व. सुशीला कोइरालाको स्मरण गर्दै भावुक बनिन्। उनले ससाना बालबालिकाको प्रस्तुतिको मुक्तकण्ठले प्रशंसा गरिन्। सोही अवसरमा विजेता विद्यार्थीहरुलाई पुरस्कृत गरिएको थियो।
