लेखनाथ । नागरिक परोपकार समन्वय संस्था कास्की तथा पोखरा ३० ले डेंगु रोग र आँखा पाक्ने रोगविरुद्ध चेतनामूलक कार्यक्रम गरेको छ । लेखनाथ क्षेत्रमा डेंगु र आँखा पाक्ने रोगविरुद्ध स्थानीय बासिन्दालाई सचेतना जगाउन तालचोक, शिशुवा, बेगनासताल, खुदी, पावरहाउस, तल्लो गगनगौंडालगायत स्थानमा २ दिनसम्म चेतनामूलक कार्यक्रम गरिएको थियो ।
कार्यक्रमका लागि आवश्यक स्वास्थ्य सामग्री र प्राविधिक शिशुवा अस्पताल, शिशुवा आयुर्वेद औषधालय, संक्रामक तथा सरुवा रोग अस्पताल मोहोरियाले व्यवस्थापन गरेको थियो ।
पोखरा ३० का अध्यक्ष तथा सदस्यहरु, नागरिक परोपकार समन्वय संस्था कास्कीका अध्यक्ष, उपाध्यक्ष लगायत सदस्यहरू, टोल विकास सुधार समिति, महिला स्वास्थ्य स्वयं सेविका, आमा समूह, स्वास्थ्यकर्मी, शिक्षक, वुद्धिजीवी लगायतलाई परिचालन गरी डेंगु रोग र आँखा पाक्ने रोगविरुद्ध अभिमुखीकरण गरिएको संस्थाका अध्यक्ष चिरञ्जीवी तिवारीले जानकारी दिए ।
