पोखरा । कञ्चन क्यापिटल प्रालिको प्रस्तुतिमा पोखरामा तेस्रो संस्करणको डायमन्ड मेला हुने भएको छ ।
पालिखेचोकस्थित पञ्चरत्न आभूषणमा साउन ७ देखि १२ सम्म मेला आयोजना गर्न लागिएको संस्थाका कञ्चन क्यापिटलका अध्यक्ष विमलमान गुभाजुले जानकारी दिए । उनका अनुसार मेला अवधिभर डायमन्ड खरिदमा विशेष छुट दिइने छ।
‘पोखरामा हामीले प्रत्येक वर्ष डायमन्ड मेला आयोजना गर्दै आएका छौ, उनले भने, ‘यो मेलाबाट डायमन्डको विशेषताबारे जानकारी गराउनु साथै डायमण्ड खरिदमा विशेष छुटको व्यवस्था गरेका छौं ।’
मेला बिहान १० बजेदेखि साँझ ७ बजेसम्म सञ्चालन हुने पञ्चरत्न आभूषणका अध्यक्ष शोभितमान बुद्धाचार्यले बताए ।
