पोखरा । नेपाल शिक्षक संघ पोखरा महानगर महिला विभाग अध्यक्षमा शर्मिला बराल चयन भएकी छन् ।
पोखरामा शनिबार भएको भेलाले बरालको अध्यक्षतामा १८ सदस्यीय विभाग गठन गरिएको हो । विभागको उपाध्यक्षमा बन्दना खनाल, द्वितीय उपाध्यक्षमा शर्मिला आचार्य चयन भए ।
कार्यक्रममा नवगठित महिला विभागका अध्यक्ष बरालले विभाग गठनको औचित्यमाथि प्रकाश पार्दै भावी कार्ययोजनाका बारेमा पारिन् ।
यसअघि नेपाल शिक्षक संघ पोखरा महानगरपालिकाले प्रशिक्षण कार्यक्रम गरेको थियो । कार्यक्रममा गण्डकी प्रदेश सभा सदस्य सरस्वती गुरुङ, नेपाल पत्रकार महासंघ कास्कीका अध्यक्ष विमला भण्डारी र कुलदेवी बरालले प्रशिक्षण दिएका थिए ।
उनीहरुले महिला सशक्तीकरणरणमा सञ्चारको प्रभावकारिता तथा महिला विभाग गठनको औचित्यसम्बन्धी प्रस्तुति राखेका थिए ।
नेपाल शिक्षक संघका केन्द्रीय उपमहासचिव सिता थापाको प्रमुख आतिथ्यतामा भएको कार्यक्रममा गण्डकी प्रदेश सभा सदस्य प्रकाश बराल, सरस्वती गुरुङ, नेपाल शिक्षक संक गण्डकी प्रदेश अध्यक्ष शिरोमणि लामिछाने, जिल्ला अध्यक्ष राजु क्षेत्री, निवर्तमान अध्यक्ष रमेश भट्टराई, प्रदेश उपमहासचिव टीकादेवी भण्डारी, सचिव तारानाथ भण्डारी, निवर्तमान महानगर अध्यक्ष भोलानाथ पौडेल, पोखरा महानगर अध्यक्ष किरणबाबु न्यौपानेलगायतले बोलेका थिए ।
नेपाल शिक्षक संघ पोखरा महानगरपालिका महिला उपाध्यक्ष शर्मिला बरालको अध्यक्षतामा भएको कार्यक्रममा महानगर उपाध्यक्ष इन्दिरा लामिछानेले स्वागत र सचिव जीतबहादुर खनालले सञ्चालन गरेका थिए ।
