कार्यक्रममा फिजिकल, केमिकल, जियोलोजिकल सोसाइटी, विज्ञान शिक्षक समाज लगायतले साथ दिएको जिपास्टका कार्यकारी निर्देशक ढाकाराम भण्डारीले जानकारी दिए । प्रभात फेरी पछि भएको प्यानल छलफलमा विज्ञान दिवसको नारा ‘विज्ञान साक्षरता र उद्यमशीलता ः सबल अर्थतन्त्रको आधारशिला’ का विषयमा छलफल गरिएको थियो ।
उक्त छलफलमा गण्डकी मेडिकल कलेजकी जनस्वास्थ्यकी प्रोफेसर विमला शर्मा, त्रिभुवन विश्वविद्यालयको रसायन शास्त्रका प्रोफेसर अंकलदेव मिश्र, त्रिभुवन विश्वविद्यालयको अर्थशास्त्रका प्रोफेसर लेखनाथ भट्टराईसँग गण्डकी विश्वविद्यालयका डिन कपिल अधिकारीले छलफल गरेका थिए । त्यहाँ विज्ञान प्रविधि क्षेत्रमा लगानी कम अनि भएको लगानी पनि उचित प्रयोग नभएको बारेमा चर्चा भएको थियो । राजनीति र कर्मचारीतन्त्रका कारण अनुसन्धान भएको विषयमा कुरा उठेको थियो ।
जिपास्टले विज्ञान दिवसमा मात्र नभएर अन्य दिनमा पनि विज्ञान प्रविधिको क्षेत्रमा काम गरिरहेको उनले सुनाए । जिपास्ट आफैं भरतपोखरीमा प्रयोगशाला स्थापना गरिसकेको छ भने वन क्याम्पससँग मिलेर बनाउने तयारीको योजना छ । आगामी दिनमा अनुसन्धान कोष ऐन र नियमावलीमा आएकाले सञ्चालनको तयारीमा रहेकाले प्रदेश सरकारसँगको सहकार्यमा अगाडि बढ्ने उनले बताए । यो कामका लागि प्रदेश सरकारले सहयोग गरिदिनुपर्ने उनको भनाइ थियो ।
