काठमाडौं ।। कृषि तथा पशुपन्छी विकासमन्त्री डा वेदुराम भुसालले प्रधानमन्त्रीले कृषि क्षेत्रमा चासो नदेखेको बताएका छन् ।
नेपाल व्यवसायी महासंघले आइतबार काठमाडौंमा आयोजना गरेको कार्यक्रमलाई सम्बोधन गर्दै उनले यस्तो बताएका हुन् ।
उनले आगामी आर्थिक वर्षको बजेटमा पनि कृषि मन्त्रालयको बजेट कटौती गरिएको भन्दै असन्तुष्टि व्यक्त गरे । उनले अर्थमन्त्री डा प्रकाशरण महत र प्रधानमन्त्री पुष्पकमल दाहालले कृषि मन्त्रालयको बजेट कटौती नगरेको तर अर्थतन्त्र संकटमा परेको भन्दै आवश्यक ध्यान नदिएको आरोप लगाए ।
उनले कृषि क्षेत्र अर्थतन्त्रको मेरुदण्ड भए पनि कृषि क्षेत्रमा लगानी गर्न सरकार उदासीन भएको बताए । उनले कृषि क्षेत्रको विकासका लागि सिँचाइ प्रणाली र बाँझो जग्गाको उपयोग बढाउनुपर्ने बताए ।
उनले भने, ‘कृषि हाम्रो अर्थतन्त्रको मेरुदण्ड हो, हामी सबैलाई थाहा छ । कृषि क्षेत्र जताततै जोडिएको छ, हामी सबै भनिरहेका छौं। तर, लगानी गर्ने कुरामा सरकार लाचार छ । कृषिमा पनि बजेट कटौती गरिएको छ । उनले अर्थमन्त्रीसँग कुरा गर्दा पनि त्यस्तै भएको र स्वास्थ्यमन्त्रीसँग कुरा गर्दा खासै चासो नदेखेको बताए । कृषि क्षेत्रलाई कसरी अगाडि बढाउने भन्नेमा कसैले चासो दिएको देखिँदैन । पहिलो कुरा सिँचाइको प्रबन्ध गर्नु हो र दोस्रो बाँझो जमिन प्रयोग गर्नु हो । १० लाख ३० हजार हेक्टर जमिन बाँझो छ । यसलाई कसरी प्रयोग गर्ने भनेर सोच्न महत्त्वपूर्ण छ। सरकारले यो जग्गालाई कुनै न कुनै रूपमा प्रयोग गर्न खोजिरहेको छ।’
कृषिमन्त्री भुसालले बाँझो जमिन प्रयोग गर्न सके उत्पादन बढाउन सकिने बताउनुभयो ।
