साउन २२, कपिलवस्तु-
विजयनगर गाउँपालिका वडा नम्बर ७ गेडुवाजोतमा २४०० कुखुराका चल्ला भारतबाट अवैध रूपमा नेपाल ल्याउँदै गर्दा सशस्त्र प्रहरीले पक्राउ गरेको छ ।
सशस्त्र प्रहरी नायब उपरीक्षक शैलेन्द्र न्यौपानेको कमाण्डमा खटिएको मोबाइल टोलीले सुराकीको आधारमा उक्त पक्राउ गरेको बताइएको छ ।
लु १७ प ७४७९ र ना.६ प ९९९९ नम्बरका दुई मोटरसाइकलमा विहान ४ बजे चल्ला ल्याउदै गरेका तस्करहरू प्रहरीलाई देखेपछि मोटरसाइकल सहित कुखुराका चल्ला छाडेर भागेका थिए।
पक्राउ गरिएको चल्लाहरू पशु क्वारेन्टाइनका डा. दयाराम चौधरी, पत्रकार, र स्थानीय समाजसेवीहरूको रोहवरमा नष्ट गरि मोटरसाइकलहरू भन्सार पठाइएको डिएसपी न्यौपानेले बताएका छन ।।
