कपिलवस्तु, ११ चैत्र – जिल्ला प्रहरी कार्यालय कपिलवस्तु तथा मातहतका प्रहरी इकाई प्रमुखहरूसँगको मासिक बैठकमा प्रहरी उपरीक्षक निरञ्जन दत्त भट्टले सीमा क्षेत्रमा हुने चोरी तस्करी नियन्त्रण, सवारी दुर्घटना न्युनिकरण, नागरिक सुरक्षासहित विभिन्न महत्वपूर्ण विषयमा निर्देशन दिएका छन्।
यस अवसरमा इलाका प्रहरी कार्यालय बहादुरगंजका प्रहरी नायव निरीक्षक खिम बहादुर जी.सी.लाई फागुन महिनाको “उत्कृष्ट प्रहरी (Police of the Month)” घोषणा गर्दै प्रशंसा-पत्रद्वारा सम्मान गरिएको छ। साथै, उत्कृष्ट काम गर्ने अन्य प्रहरी कर्मचारीहरूलाई नगद पुरस्कारसमेत प्रदान गरिएको थियो।
