चैत ९– नेपाल आदिवासी जनजाति पत्रकार महासंघ (फोनिज) कपिलवस्तुको दोस्रो जिल्ला अधिवेशनले रामअवतार चौधरीलाई सर्वसम्मत अध्यक्ष चयन गरेको छ। बाणगंगा नगरपालिका–४ स्थित सामुदायिक रेडियो बुद्ध आवाजको प्रांगणमा सम्पन्न अधिवेशनले नौ सदस्यीय नयाँ कार्यसमिति चयन गरेको हो।
नवनिर्वाचित कार्यसमितिमा उपाध्यक्ष रचना खासु मगर, सचिव सिर्जना थारु, कोषाध्यक्ष उत्तम चौधरी, सहसचिव नरेश थारु तथा सदस्यहरू सरस्वती श्रेष्ठ, मनिषा मगर, सुमन थारु चयन भएका छन्। फोनिजका केन्द्रीय सदस्य कमलसिंह थारुले नयाँ नेतृत्व सर्वसम्मत चयन भएको जानकारी दिएका छन्।
अधिवेशनको उद्घाटन समारोहमा वक्ताहरूले आदिवासी समुदायको हकहितमा फोनिजको भूमिकालाई अझ प्रभावकारी बनाउनुपर्नेमा जोड दिए। कार्यक्रम फोनिजका अध्यक्ष सैलेन्द्रकुमार श्रेष्ठको अध्यक्षतामा सम्पन्न भएको थियो, जसमा फोनिजका केन्द्रीय सदस्य कमलसिंह थारु, नेपाल पत्रकार महासंघ लुम्बिनी प्रदेश सदस्य सरिता थारु, थारु कल्याणकारी सभाका पूर्व केन्द्रीय सदस्य जन्जिरप्रसाद थारु, केन्द्रीय सदस्य उमाशंकर चौधरी लगायतले विचार राखेका थिए।
