धनुषाधाम, चैत १६–
एलआईसी नेपाल धनुषाधाम शाखाले ग्रामीण स्तरमा बिमा सम्बन्धी जनचेतना फैलाउने उद्देश्यले बिमा जागरूकता अभियान सम्पन्न गरेको छ। शाखा प्रबन्धक बिनायक झा, बिमा अभिकर्ता, एजेन्सी म्यानेजर लगायतको उपस्थितिमा आयोजित उक्त कार्यक्रममा बिमाको महत्त्व, यसको लाभ तथा आवश्यकताको बारेमा स्थानीयहरूलाई जानकारी प्रदान गरिएको थियो।
कार्यक्रमका क्रममा सहभागीहरूलाई बिमा योजनाहरू, दाबी प्रक्रिया, जोखिम व्यवस्थापन तथा दीर्घकालीन आर्थिक सुरक्षामा बिमाको भूमिकाबारे विस्तृत जानकारी दिइएको थियो। एलआईसी नेपाल धनुषाधाम शाखाले आगामी दिनहरूमा पनि यस्ता अभियानलाई निरन्तरता दिने प्रतिबद्धता व्यक्त गरेको छ।
