पोखरा । कास्कीको मादी ३, एकलाखेस्थित ब्रम्हचारिणी आधारभूत विद्यालयको ५० औं वार्षिकोत्सव बिहीबार सम्पन्न भयो ।
मादी गाउँपालिकाका अध्यक्ष देवीजंग गुरुङले वार्षिकोत्सव उद्घाटन गर्दै विद्यालयको अझ प्रगतिको शुभकामना दिए ।
मादी गाउँपालिका शिक्षा शाखा प्रमुख खगेन्द्र लामिछाने, गाउँपालिका वडा ३ का अध्यक्ष विकास गुरुङले घट्दो विद्यार्थी संख्याप्रति चिन्ता व्यक्त गर्दै अन्य गतिविधिबारे प्रकाश पारे ।
विद्यालयका संरक्षक क्या. पूर्णबहादुर लामा ह्याल्मोले विद्यालय आउने दिनमा प्रगतिको शुभकामना दिए । विद्यालय व्यवस्थापन समितिका अध्यक्ष सागर थापा क्षत्रीको अध्यक्षतामा भएको कार्यक्रमको स्वागत व्यवस्थापन समिति सदस्य शोभा सुनार र सञ्चालन विद्यालय शिक्षक नानुमाया क्षत्रीले गरेका थिए ।
