मुम्बई ।
चर्चित गजल गायक पंकज उधासको निधन भएको छ ।
पद्मश्री पंकज उदास लामो समयदेखि बिरामी थिए । ७२ वर्षीय उधासको आज बिहान निधन भएको छ । उनकी छोरी नायब उधासले सो जानकारी दिएकी हुन्।
नायबले सामाजिक सञ्जाल इन्स्टाग्राममा पोस्ट गरेका छन्, ‘धेरै गहिरो हृदयका साथ, लामो समयदेखि बिरामी भएर २६ फेब्रुअरी २०२४ मा पद्मश्री पंकज उधासको दुखद निधन भएको खबर गर्दैछौं।’
पंकज उधासलामो समयदेखि बिरामी थिए, उनलाई १० दिनअघि मुम्बईको ब्रीच क्यान्डी अस्पतालमा भर्ना गरिएको थियो । जहाँ उनले आज बिहान ११ बजे अन्तिम सास लिए ।
पंकज उदासको निधनको खबर आएपछि सबैले उहाँलाई सम्झेर श्रद्धाञ्जली अर्पण गरिरहेका छन् । यो खबरले संगीत जगतमा शोकको माहोल छाएको छ ।
पंकाज उधास ‘चिठी आयी है…’ र ‘जिए तो जिये कैसे….’ जस्ता धेरै प्रसिद्ध गीत र गजलका लागि परिचित छन्। उनले नाम, साजन र मोहरा लगायत धेरै हिन्दी फिल्महरूमा पार्श्व गायकको रूपमा पनि आफ्नो छाप छाडेका छन ।
पंकज उधासको मंगलबार अन्तिम संस्कार गरिने परिवारले जनाएको छ ।
