पुष १८, कपिलवस्तु
धरान–९ निवासी सावित्री मोक्तानले आफ्ना नाति प्रतिक तामाङको १२औं जन्मोत्सवको अवसरमा कृष्णनगर नगरपालिका ९ बहादुरगन्जमा रहेको श्री महेन्द्र आधारभूत विद्यालयका बालविकास तथा कक्षा २ का नानीबाबुहरूलाई स्विटर प्रदान गर्नुभएको छ। विद्यालय परिवारले यो न्यानो उपहारप्रति उहाँलाई विशेष धन्यवाद ज्ञापन गरेको छ।
यस अवसरमा विद्यालयले बाबु प्रतिक तामाङलाई जन्मदिनको हार्दिक शुभकामना व्यक्त गर्दै उहाँको निरोगी र सुखमय जीवनको कामना गरेको छ। विद्यालय परिवारले ‘माया दूरीले छेक्दैन’ भन्ने भावना प्रकट गर्दै मोक्तान परिवारको योगदानप्रति आभार प्रकट गरेको छ।
