तालिबानले संगीतले मानिसमा नैतिक भ्रष्टाचार निम्त्याउने भन्दै अफगानिस्तानमा संगीतका वाद्यवादनका यन्त्रहरु जलाएको छ।
एजेन्सीका अनुसार तालिबानले पश्चिमी हेरात प्रान्तमा हजारौं डलर बराबरको सांगीतिक वाद्यवादन सामग्री जलाएको हो। दुई वर्षअघि सत्तामा आएदेखि तालिबानले सार्वजनिकरुपमा संगीत बजाउन प्रतिबन्ध लगाएको छ।
अफगानिस्तान नेसनल इन्स्टिच्युट अफ म्युजिकका संस्थापक अहमद सरमस्तले भने तालिबानको कार्यलाई सांस्कृतिक नरसंहार र सांगीतिक तोडफोडको संज्ञा दिएका छन्।
अफगानिस्तानका जनतालाई कलात्मक स्वतन्त्रताबाट वञ्चित गरिएको छ। हेरातमा संगीत वाद्यवादन सामग्री जलाउनु भनेको तालिबानको नेतृत्वमा अफगानिस्तानमा भइरहेको सांस्कृतिक नरसंहारको एउटा सानो उदाहरण मात्र हो, पोर्चुगलमा बस्दै आएका डा. सरमस्तले बीबीसीसँग भनेका छन्।
तालिबानको उप र सद्गुण मन्त्रालयका एक अधिकारीले भने संगीत बजाउँदा युवाहरु पथभ्रष्ट हुने बताएका छन्।
