रुपन्देहीको भाइरल बनगाई चोकमा राष्ट्रिय झन्डाको अपमान, सम्बन्धित निकाय मौन

दिपेस यादव, रुपन्देही ।
मायादेवी गाउँपालिका-७, बनगाई चोक, जुन सामाजिक सञ्जालमा निकै चर्चित छ, त्यहीँ रहेको नेपालको राष्ट्रिय झन्डा जीर्ण अवस्थामा पुगेको छ। झन्डा च्यातिएको र उपेक्षित अवस्थामा भए पनि सम्बन्धित निकायको ध्यान जान सकेको छैन।
सामाजिक सञ्जालमा विभिन्न कारणले भाइरल हुने बनगाई चोक अहिले फेरि चर्चामा छ, तर यसपालि सकारात्मक कारणले होइन। राष्ट्रिय झन्डाको यस्तो अपमानजनक अवस्था देख्दा धेरै स्थानीय तथा यात्रुहरूले असन्तुष्टि व्यक्त गरेका छन्।
एक स्थानीयले भने, “बनगाई चोक त भाइरल चोकको रूपमा परिचित छ, तर राष्ट्रिय झन्डाको यस्तो अवस्था हुनु दुर्भाग्यपूर्ण हो। यो हाम्रो पहिचान हो, यसको सम्मान गर्नुपर्छ।”
नेपाल सरकार तथा स्थानीय प्रशासनले राष्ट्रिय झन्डाको सम्मान सुनिश्चित गर्दै नयाँ झन्डा राख्न तुरुन्त पहल गर्नुपर्ने स्थानीयवासीको माग छ। अन्यथा, सामाजिक सञ्जालमा नै आवाज उठाएर दबाब सिर्जना गरिने चेतावनीसमेत दिइएको छ।

Leave a Comment

Your email address will not be published. Required fields are marked *

Scroll to Top