प्रतियोगितामा प्रथमलाई १५, द्वितीयलाई १०, तृतीयलाई ५ र सान्त्वना हुनेलाई २ हजार रुपैयाँ र प्रमाणपत्र प्रदान गरिएको थियो । गरिमा विकास बैंकका प्रमुख कार्यकारी अधिकृत गोविन्दप्रसाद ढकालको प्रमुख आतिथ्य र साभ नेपालका अध्यक्ष तुलसीराम खनालको अध्यक्षतामा भएको कार्यक्रममा गरिमा विकास बैंकका क्षेत्रीय प्रबन्धक भोलाप्रसाद तिवारी, चरक मेमोरियल अस्पतालका प्रमुख कार्यकारी अधिकृत प्रदीप शर्मा लगायत विभिन्न सहयोगी संस्थाका प्रतिनिधिको उपस्थिति थियो ।
अधिकांश विद्यार्थी कक्षा १२ बाट सहभागी भएको सो कार्यक्रममा विद्यार्थीहरूले आफ्नो रोजेको विषयमा बोल्दा युवा पुस्ता विदेशमा पलायन हुन बाध्य भएको देशको अवस्थाप्रति चिन्ता प्रकट गरेका थिए । प्रतियोगितामा पहिलो सत्रमा सबैले ३ मिनट आआफ्नो रोजाइको विषयमा बोल्न लगाइएको थियो भने दोस्रो अर्थात् फाइनल सत्रमा ३ वटा विषय दिइएको थियो ।
कार्यक्रममा गरिमा विकास बैंकका प्रमुख कार्यकारी अधिकृत ढकालले अब देशमा दक्ष जनशक्ति पाउन मुस्किल भइसकेको बताए । आफ्नो बैंकमा महिनाको ६०/७० हजार तलब खाने कर्मचारी समेत जागिर छोडेर विदेश जाने गरेको र अब बैंकमा काम गर्ने कर्मचारीकै अभाव हुन थालेको उनको भनाइ थियो ।
