कमलेशचन्द्र गुप्त !
कपिलवस्तु जिल्ला अन्तर्गत कृष्णनगर नगरपालिका-९ का वडा अध्यक्ष सतिष हरिजन को अगुवाइमा १४ जना किसानलाई ५०% अनुदानमा पम्पसेट वितरण गरिएको छ। वडा स्तरीय बजेट अन्तर्गत सञ्चालित यो कार्यक्रम बहादुरगंजमा सम्पन्न भएको हो।
वडा अध्यक्ष सतिष हरिजन ले किसानलाई सिँचाइमा सहजता पुर्याउन पम्पसेट वितरण गरिएको जानकारी दिँदै यसले कृषकहरूको उत्पादन वृद्धिमा महत्वपूर्ण योगदान दिने विश्वास व्यक्त गरे। उनले आगामी दिनमा पनि किसानलाई कृषि उपकरण तथा अन्य सुविधामा सहुलियत प्रदान गर्दै जाने प्रतिबद्धता जनाए।
कार्यक्रममा वडा सदस्य, स्थानीय कृषक तथा समाजसेवीहरूको उल्लेखनीय उपस्थिति रहेको थियो। अनुदानमा पम्पसेट पाएपछि किसानहरूले खुसी व्यक्त गर्दै वडा अध्यक्ष सतिष हरिजन र वडा कार्यालयलाई धन्यवाद ज्ञापन गरेका छन्।
