सप्तरी जिल्लाको कञ्चनरुप नगरपालिकामा कार्यरत नायब सुब्बा खेमराज यादव र कृषि विकास अधिकृत निकी यादवले समाजमा उदाहरणीय सन्देश दिँदै दहेज–मुक्त विवाह सम्पन्न गरेका छन्। आइतबार (मंसिर १४) राजविराज–५ स्थित वधूको घरमा परम्परागत तरिकाले विवाह सम्पन्न भएको वधू पक्षका भाइ राहुल यादवले बताए।
खेमराज यादव कञ्चनरुप–९ का स्व. रविलाल यादवका कान्छा छोरा हुन् भने निक्की यादव छिन्नमस्ता–४ की ध्रुव कुमार यादवकी कान्छी छोरी हुन्।
वधू पक्षका सुबा यादवका अनुसार उनीहरूको परिवारमा यो दोस्रो दहेज–मुक्त विवाह हो। उनका अनुसार, “शिक्षित युवा–युवतीले दहेज प्रथाको अन्त्यमा नेतृत्व लिनैपर्छ। बोल्नेभन्दा कदम चाल्नेहरूले नै समाज बदल्छ।”
स्थानीयका अनुसार दुवै परिवारको यो पहलले दहेज प्रथाविरुद्ध समाजमा सकारात्मक प्रेरणा जगाएको छ।
