श्री माध्यमिक विद्यालय अजिगरामा प्रहरीको नेतृत्वमा सुरक्षा सचेतना कार्यक्रम

कमलेशचन्द्र गुप्त – समुदायमा सुरक्षा सचेतना अभिवृद्धि गर्ने उद्देश्यसहित कृष्णनगर नगरपालिकाको संयुक्त पहलमा वृहत समुदाय सुरक्षा सचेतना अभियान अन्तर्गत विद्यार्थी लक्षित सचेतनामूलक कार्यक्रम सम्पन्न भएको छ।

मिति २०८१ फागुन १२ गते दिउँसो २ बजे, कृष्णनगर नगरपालिका वडा नं. ७, अजिगरा स्थित श्री माध्यमिक विद्यालयमा अध्ययनरत करिब ५०-६० जना विद्यार्थीको सहभागितामा कार्यक्रम सम्पन्न भयो। कार्यक्रममा प्रहरी नायब निरीक्षक सुशिल के.सी., ट्राफिक प्रहरी कार्यालय कृष्णनगरका प्रहरी सहायक निरीक्षक विनोद बहादुर शाही, तथा कृष्णनगर नगरपालिका कार्यालयकी सहायक महिला विकास थुमादेवी उपाध्यायले महत्वपूर्ण विषयहरूमा प्रशिक्षण दिएका थिए। कार्यक्रममा लागू औषध दुर्व्यसन नियन्त्रण, साइबर सुरक्षा, बाल विवाह रोकथाम, तथा ट्राफिक नियम सम्बन्धी विषयमा गहन छलफल गरियो। विद्यार्थीहरूले सुरक्षा सम्बन्धी जानकारी पाउनुका साथै व्यवहारिक रूपमा सुरक्षित रहन अपनाउनु पर्ने उपायहरूबारे बुझ्ने अवसर पाए।

सचेतनामूलक अभियानले युवापुस्तालाई जिम्मेवार नागरिक बनाउन महत्वपूर्ण भूमिका खेल्ने आयोजकहरूले बताएका छन्। स्थानीय तह र सुरक्षा निकायको सहकार्यमा यस्ता कार्यक्रमलाई निरन्तरता दिने योजना रहेको कृष्णनगर नगरपालिकाले जनाएको छ।हेडलाईन सानो लेख्नु

Leave a Comment

Your email address will not be published. Required fields are marked *

Scroll to Top