शिविरमा आँखा, ब्लड प्रेसर, मधुमेह लगायत रोगको उपचार गरिएको थियो । पश्चिमाञ्चल क्षेत्रीय अस्पताल र दृष्टि आँखा हस्पिटल प्रालिको प्राविधिक सहयोगमा डा. सूर्यबहादुर हमाल र डा. किशोर भण्डारीको नेतृत्वमा शिविर भएको थियो । जसको व्यवस्थापन सहरी स्वास्थ्य केन्द्र पोखरा १३ ले गरेको थियो ।
शिविरमा ६० जनाको आँखा र १ सय जनाको मधुमेह, युरिन, ब्लड प्रेसर जाँच गरिएको सहरी स्वास्थ्य केन्द्र पोखरा १३ की जनस्वास्थ्य निरीक्षक राधा गरब्जाले बताइन् । उनले भनिन्, ‘धेरैको सुगर, युरिन र प्रोटिन जाँच गरिएको थियो । ६० जना जतिको आँखाको जाँच भयो ।’
शिविरमा निशुल्क रुपमा औषधीसमेत वितरण गरिएको वडाध्यक्ष किरण बरालले बताए । ‘जनताको स्वास्थ्य सेवामा सहज पहुँच पु¥याउन शिविर सञ्चालन गरिएको हो,’ उनले भने, ‘आर्थिक अवस्था कमजोर भएका स्थानीयवासी वडामै स्वास्थ्य सेवा पाउँदा खुसी छन् ।’
