प्लस टुतर्फ त्रिवेणी पब्लिकले स्टेप बाई स्टेपलाई टाइब्रेकरमा ४–३ गोलले हराउँदै उपाधि चुमेको हो । निर्धारित समयमा ३–३ गोलको बराबरी भएपछि खेल ट्राइबेकरमा पुगेको थियो ।
उता, युनिभर्सिटी लेभलतर्फ पोखरा लिंकनले इन्फोम्याट्रिक कलेजलाई ट्राइबेकरमा ४–३ गोलले हरायो । निर्धारित समयमा २–२ गोलको बराबरी भएपछि खेल ट्राइबेकरमा धकेलिएको थियो ।
हिसान गण्डकी आयोजनामा भएको प्रतियोगितामा त्रिवेणी पब्लिकले १ लाख साथमा मेडल, ट्रफी जितेको छ । उपविजेता स्टेप बाई स्टेपले ५० हजार, मेडल र ट्रफी प्राप्त गरेको छ । उता, उपाधिसहित पोखरा लिंकनले २० हजार र उपविजेता इन्फोम्याट्रिक कलेजले १० हजार मेडल र ट्रफी पाए ।
विजेतालाई गण्डकी युनिभर्सिटीका कुलपति गणेशमान गुरुङ, राष्ट्रिय खेलकुद परिषद्का पूर्व सदस्यसचिव रमेश सिलवाल, हिसान केन्द्रीय सल्लाहकार सूर्यबहादुर जिसी, हिसान गण्डकी अध्यक्ष रमाकान्त बराल, सविन मेमोरियल फुटबल क्लबका अध्यक्ष सञ्जय लिगल, प्रतियोगिता संयोजक सन्तोष पराजुली लगायतले पुरस्कार वितरण गरे ।
