पोखरा । विन्ध्येश्वरी आदर्श बोर्डिङ स्कुल, मोहरिया टोलमा शुक्रबारीय कार्यक्रमअन्तर्गत कक्षा २ देखि कक्षा ९ सम्म नाटक प्रतियोगिता गरिएको छ ।
कार्यक्रममा मावि तहबाट कक्षा ७ का शुभम् सुनारको समूह प्रथम र कक्षा ८ को प्रशंसा कार्कीको समूह द्वितीय भएको छ । प्रावि तहबाट कक्षा ५ को आदित्य विकको समूह प्रथम र कक्षा २ को सौगात हमालको समूह द्वितीय भएको छ ।
विद्यालयका प्राचार्य कृष्णकुमार श्रेष्ठले विजेतालाई पुरस्कार तथा प्रमाणपत्र वितरण गर्दै विद्यार्थीरूमा यस्ता क्रियाकलापले सिर्जनशीलता तथा कलाकारिताको विकास होस् भन्ने हेतुले यस्ता विविध कार्यक्रम हरेक शुक्रबार गरिने जानकारी दिए ।
कार्यक्रमको निर्णायकमा मावि तहका नेपाली शिक्षक माया क्षेत्री र योग शिक्षक अमृत मगर थिए । कार्यक्रम सञ्चालन अतिरिक्त क्रियाकलाप प्रमुख राजु बयलकोटीले गरेका थिए ।
