पोखरा विश्वविद्यालयका उपकुलपति प्राडा प्रेमनारायण अर्यालले सभा उद्घाटन गर्दै जेपी क्रस र द्वालाई सम्मान गर्न पाउँदा खुसी लागेको प्रतिक्रिया दिए । उनले समाजमा यस किसिमको कार्यले श्रृजनशील र क्षमता बोकेका मानिसको मनोबल उच्च रहने विचार राखे ।
पोखरा १३ का वडाध्यक्ष किरण बरालले प्रतिष्ठानसँग सहकार्य गर्ने र प्रतिष्ठानलाई सक्दो सहयोग गर्दै शैक्षिक तथा समाज विकासका कार्यमा काँधमा काँध मिलाएर अगाडि बढ्ने प्रतिबद्धता व्यक्त गरे ।
सम्मानित व्यक्तित्वतर्फबाट जेपि क्रसले आफ्ना बेलायती सेनामा रहँदाका र नेपाल बसाइँ अनुभव सुनाए ।
प्रतिष्ठान सभापति प्राध्यापक तारा बरालको अध्यक्षतामा भएको कार्यक्रममा उपाध्यक्ष प्रा. रामगोपाल ढेवाजूले स्वागत मन्तव्य राख्दै प्रतिष्ठानका व्यक्तित्वद्वय स्व. कृष्णबहादुर ढेवाजू र टेकबहादुर ढेवाजूको जीवनयात्राबारे प्रकार पारे । प्रतिष्ठाना सचिव उपेन्द्र सुवेदीले प्रतिवेदन प्रस्तुत गरे । सो अवसरमा पूर्व संरक्षक सदस्य तथा पूर्व सचिव राजेन्द्र भण्डारीले पनि बोलेका थिए ।
प्रतिष्ठान संरक्षक सदस्य तथा भद्रकाली मावि व्यवस्थापन समिति अध्यक्ष लोकबहादुर कार्कीले धन्यवाद ज्ञापन गरे ।
