पोखरा । पोखरा बहुमुखी क्याम्पसमा अध्ययनरत विभिन्न तह र संकायका विद्यार्थीलार्ई निशुल्क कम्प्युटर तालिम प्रदान गरिएको छ । विद्यार्थीलाई पाठ्यक्रमसँगै प्राविधिक सिप तथा दक्षता अभिबृद्धि गर्ने उद्देश्यले पहिलो चरणमा ३ महिने आधारभूत कम्प्युटर तालिम प्रदान गरिएको हो ।
सोमबार क्याम्पसमा आयोजित कार्यक्रममा तालिममा सहभागी विद्यार्थीहरुलाई प्रमाणपत्र वितरण गरिएको छ । यसैबीच क्याम्पसले उक्त अवसरमा वार्षिक क्यालेन्डर विमोचन समेत गरेको छ ।
कार्यक्रममा क्याम्पस प्रमुख शिशुकला पराजुलीले विद्यार्थीको पठनपाठनलाई सहज, सरल र बहुउपयोगी बनाउन कम्प्युटर तालिम आवश्यक भएको बताइन् । त्यसैगरी, क्याम्पसका आन्तरिक गुणस्तर सुनिश्चित समिति प्रमुख महेन्द्र रिमालले, सिटिइभिटीका विभिन्न तहसँग बराबरी हुनेगरी क्याम्पसले कम्प्युटर तालिमहरु सञ्चालन गर्ने बताए ।
उक्त अवसरमा क्याम्पस प्राध्यापक संघ अध्यक्ष भीमप्रसाद न्यौपानेले शुभकामना व्यक्त गरेका थिए । कार्यक्रमको सञ्चालन क्याम्पसका मानविकी संकाय प्रमुख पुष्पराज अधिकारीले सञ्चालन गरेका थिए ।
