२ मंसिर ।
कृष्णनगर नगरपालिकाका नगर प्रमुख रजत प्रताप शाह, वडा नम्बर २ का अध्यक्ष, जनप्रतिनिधिहरू, व्यापारी संघका सदस्य, नगरपालिकाका कर्मचारी, नगर प्रहरी, र कृष्णनगर इलाका प्रहरी एक साथ सरसफाइको अनुगमनमा सहभागी भएका छन्।
शुक्रबार गरिएको अनुगमनका क्रममा नगर प्रमुख शाहले नगरवासीलाई सरसफाइमा विशेष ध्यान दिन सडकमा उत्रिएर आग्रह गरे। उनले सफा र स्वस्थ नगर निर्माणका लागि सबै क्षेत्रका नागरिक र संस्थाले एक भएर काम गर्नुपर्ने अनुरोध गरे । अनुगमनका क्रममा नगर क्षेत्रका विभिन्न स्थानहरूको निरीक्षण गर्दै फोहोर व्यवस्थापन, सडकको सरसफाइ र सफाइसम्बन्धी जनचेतनाको आवश्यकता बारे बताएका थिए ।
नगरपालिकाले नियमित सरसफाइ कार्यलाई प्रभावकारी बनाउन थप योजनाहरू अघि सार्ने बताएको छ। व्यापारी संघका सदस्यहरूले व्यवसायिक क्षेत्रलाई सफा राख्न पहल गर्ने प्रतिबद्धता व्यक्त गरेका छन्। यस प्रयासले नगरको स्वच्छता कायम गर्न र जनस्वास्थ्यमा सुधार गर्न महत्वपूर्ण योगदान पुग्ने अपेक्षा गरिएको छ।
