२४ पुष ।
कपिलवस्तुको कृष्णनगर नगरपालिका वडा नं २ का वडा सदस्य राहुल मोदनवालले कृष्णनगर बजारका सम्पूर्ण रिक्सा चालकहरुलाई न्यानो कम्मल वितरण गर्नुभएको छ ।
लगतारको शितलहरले बढेका जाडोबाट पिडित बनेका ७० जना रिक्सा चालकलाई न्यानो कम्मल वितरण गरेको वडा सदस्य राहुल मोदनवालले जानकारी दिनुभयो । वडा सदस्य मोदनवालले आफ्नो व्यक्तीगत लागनीबाट रिक्सा चालकलाई न्यानो कपडा वितरण गर्नु भएको बताउनुभयो ।
घाम, पानी, जाडो नभनी हरेक समय अरुको सेवामा खटिरहने रिक्सा चालकलाई सम्मान स्वरुप कम्मल वितरण गरेको वडा सदस्य मोदनलालको भनाई रहेको छ ।
रिक्सा चालकहरुले कम्मल पाएपछी खुशि भएको रिक्साचालकका आगुवा दीपू हरिजनले बताउनुभयो । चिसो समयमा हामीलाई जाडोले गर्दा धेरै समस्या भएको अवस्थामा वडा सदस्यबाट कम्मल पाउने हाम्रोलाई खुसी महसुुस भएके अर्का रिक्सा चालक हजारी पासीले बताउनुभयो ।
न्यानो कम्मल पाएपछी रिक्सा चालक हरिराम हरिजन, मनोज यादव, मनोहर केवट लगायतले वडा सदस्य मोदनवाललाई धन्याबाद समेत दिएका थिए ।
