फाल्गुन ३, २०७९ कपिलवस्तु — जनता समाजवादी पार्टी (जसपा) का केन्द्रीय अध्यक्ष उपेन्द्र यादवले पार्टीभित्र आपसी एकता र समझदारी आवश्यक भएको बताएका छन् । यादवले पार्टीलाई कमजोर बनाउने, अन्तरघात गर्ने र पार्टीका उम्मेदवारलाई हराउन लाग्नेहरूलाई पार्टीमा राख्न नहुने तर्क गरे ।
संगठनबिना शक्ति निर्माण हुन नसक्ने भन्दै अध्यक्ष यादवले गत स्थानीय निर्वाचनमा कांग्रेससँग ‘एलायन्स’ गर्दा पार्टीलाई फाइदा नभएको निष्कर्षमा आफूहरू पुगेको बताए । यस्तै कांग्रेस र एमालेले विकास, निर्वाचन र सरकारमा जाने कुरा मात्रै गरेको तर उत्पीडित जनताका कुरा नगरेको उनले बताए ।
तर जसपाको काँधमा उत्पीडित जनतालाई अधिकार दिलाउने, भेदभाव हटाउने र समृद्ध मुलुक बनाउने जिम्मेवारी रहेको अध्यक्ष यादवको भनाइ थियो ।
यसैबीच, प्रतिनिधिसभा तथा प्रदेशसभा सदस्य निर्वाचनमा आफूहरूले नेकपा एमालेसँग गठबन्धन नभइ केही सिटमा तालमेल मात्रै गरेको उनले बताएका छन् । पाँच दलीय गठबन्धनबाट प्रतिनिधिसभा सदस्यमा ९ र प्रदेशसभा सदस्यमा २१ सिट दिने भनिएपछि गठबन्धनबाट जसपा बाहिरिएको उनको भनाइ थियो ।
जसपा नेपाल जिल्ला समन्वय समिति, रुपन्देहीले बुधबार भैरहवामा आयोजना गरेको अगुवा कार्यकर्ता भेलालाई सम्बोधन गर्दै पूर्वउपप्रधानमन्त्री यादवले यादवले यस्तो बताएका हुन् । यस क्रममा उनले एमालेसँग चुनावका क्रममा गठबन्धन भएको भन्ने बुझाइ गलत भएको बताएका थिए ।
साथै केपी ओली नेतृत्वको सरकारमा जसपा सहभागी भए पनि असंवैधानिक कदमको विरुद्धमा जसपाले प्रदर्शन गरेको स्मरण गर्दै लोकतन्त्रको रक्षाका लागि जसपा लागिरहने उनले बताए ।
यस्तै उनले कांग्रेस, एमाले र माओवादी केन्द्र एक्लै-एक्लै निर्वाचन लड्न सक्ने अवस्थामा नरहेको पनि जिकिर गरेका छन् ।
The factory’s skilled workforce employs advanced manufacturing techniques to produce fittings that meet international standards and specifications. Elitepipe Plastic Factory
The factory’s uPVC fittings are designed with meticulous attention to detail, ensuring secure and tight connections that minimize the risk of leaks or failures. Elitepipe Plastic Factory