काठमाडौं ।। पार्टी अध्यक्ष तथा सांसद रवि लामिछाने राष्ट्रिय स्वतन्त्र पार्टीको संसदीय दलको नेतामा निर्वाचित भएका छन् ।
संसदीय दलको आज बसेको बैठकले लामिछानेलाई संसदीय दलको नेतामा पुनः निर्वाचित गरेको हो ।
यसअघि पार्टीको केन्द्रीय समितिको बैठक बसेको थियो । पार्टीका सहमहामन्त्री कविन्द्र बुर्लाकोटीले सरकारलाई पार्टीको समर्थन यथावत रहेको र बाँकी निर्णय शुक्रबारको संयुक्त बैठकले गर्ने बताए ।
उनले भने, ‘पार्टी अध्यक्ष लामिछाने संसदीय दलको नेतामा निर्वाचित भएका छन् । शुक्रबारको संयुक्त बैठकले सरकारबारे छलफल टुङ्ग्याउने निर्णय गरेको छ ।आज बसेको केन्द्रीय समिति बैठकले ३६ वटा विभाग गठन गरेको छ । पार्टीमा अर्थशास्त्र विभागको प्रमुखमा डा स्वर्णिम वाग्ले, अन्तर्राष्ट्रिय सम्बन्ध विभाग र पर्यटन तथा संस्कृति विभागको जिम्मेवारी शिशिर खनालले पाएका छन् । 
डा मुकुल ढकाल नीति तथा विचार तथा तालिम प्रमुख, डा तोशिमा कार्की स्वास्थ्य तथा जनसंख्या तथा युवा तथा खेलकुद, सन्तोष पेरियार मानवअधिकार, सोविता गौतम कानून तथा न्याय, हरि ढकाल भ्रष्टाचार विरोधी तथा सुशासन प्रवद्र्धन तथा दीपक बोहरा पब्लिक प्रमुख बनेका छन् । सम्बन्ध विभाग। तथ्याङ्क अनुसन्धान तथा अभिलेख तथा सार्वजनिक लेखा समीक्षा प्रमुखमा मनिष झा, शिक्षा तथा विज्ञान, सञ्चार तथा सूचना प्रविधि विभागको प्रमुखमा सुमना श्रेष्ठ नियुक्त भएका छन् ।
