पोखरा । पोखरा–९ बसपार्कस्थित सहारा बाल आधारभूत विद्यालयमा विद्यालय व्यवस्थापन समिति अध्यक्षमा विक्रम थकाली चयन भएका छन् ।
वडाध्यक्ष दीपेन्द्र मर्सानीको अध्यक्षतामा बसेको बैठकले सहारा क्लब पोखराका पूर्व अध्यक्ष थकालीको नेतत्वमा समिति गठन गरेको हो । यसअघि समितिमा अभिभावकतर्फबाट विकास बराल, जूना दर्जी र रामु बस्नेत, वडाबाट मनोनीत सदस्यबाट ठाकुरप्रसाद काप्री, समाजसेवी, बुद्धिजीवी एवं चन्दादाताको तर्फबाट सुशील लामिछाने, शिक्षक–प्रतिनिधि रुद्रबहादुर कार्की राजु र सदस्यसचिव विद्यालय प्रधानाध्यापक लोचना कुमारी अधिकारी चयन भएका छन् ।
विद्यालय निरीक्षक जीवनप्रसाद रेग्मी र वडा सदस्य नन्दराम गिरीको विशेष उपस्थितिमा विद्यालयको चौतर्फी विकासबारे छलफल भएको थियो ।
