लेखनाथ । पोखरा २७ रिठेपानीमा रहेको लिटल फ्लावर एजुकेसनल एकेडेमीले यस वर्षको माध्यमिक शिक्षा परीक्षा (एसइई) उत्तीर्ण विद्यार्थीहरूलाई सम्मान र बधाई दिएको छ ।
यस वर्षका २८ जना विद्यार्थीलाई सम्मान र बधाई ज्ञापन गर्दै प्राचार्य विकल पौडेलले थप प्रगतिको कामना गरे ।
कार्यक्रममा विद्यालय सञ्चालक सदस्य दीपेन्द्र राई, तेजु गुरुङ, रामप्रसाद अधिकारी, शिक्षक मिलन सापकोटा लगायतले विद्यार्थीले हासिल गरेको उपलब्धिप्रति विद्यालय परिवार गौरवान्तित भएको बताउँदै यसमा अभिभावकको उल्लेखनीय भूमिका रहेको बताए । विद्यालयका अतिरिक्त क्रियाकलाप संयोजक विचित्र न्यौपानेले स्वागत र कक्षा ११–१२ का संयोजक विष्णुहरि पौडेलले सञ्चालन गरेका थिए ।
२०६४ सालदेखि माध्यमिक शिक्षा परीक्षामा विद्यार्थी सामेल गराउँदै आएको थियो भने गत वर्षदेखि ११ र १२ को अध्यापनसमेत गराउँदै आएको छ ।
