हेमजा । पोखरा–५, मालेपाटनस्थित वाराही माध्यमिक विद्यालयमा नवआगन्तुक कक्षा ११ का विद्यार्थीलाई स्वागत गरिएको छ ।
कक्षा १२ का विद्यार्थीले एक कार्यक्रमबीच शुक्रबार उनीहरुलाई खादा, अबिर, डायरी र कलम प्रदान गरी स्वागत गरे ।
प्राचार्य शिवप्रसाद भण्डारीले विद्यार्थीको परिश्रम तथा मेहनतको सम्मान गर्दै वाराहीमार्फत समुज्ज्वल भविष्य निर्माण हुने औंल्याए । उनले विद्यार्थीलाई परेका समस्या समाधानमा विद्यालयले साथ दिने बताउँदै अनुशासनलाई भने विशेष ख्याल गर्न सुझाव दिए ।
त्यस अवसरमा सहायक प्रधानाध्यापक तुलसीप्रसाद भण्डारी, शिक्षक रामप्रसाद पोख्रेल, सुशील केसीलगायतले पनि शुभकामना दिए । त्यस्तै शिक्षक रामचन्द्र ढकाल र नारायणप्रसाद अधिकारीले आ–आफ्ना प्रस्तुति राखे ।
कक्षा १२ का छात्र पुरुषोत्तम जोशीको अध्यक्षतामा भएको कार्यक्रमको सञ्चालन विद्यार्थी मन्दिरा अधिकारी, रामजी शर्मा र अनिल सुनारले गरे । कार्यक्रमबीच विद्यार्थीका मौलिक रचना एवं विभिन्न सांस्कृतिक प्रस्तुति राखिएको थियो ।
