कपिलवस्तु , जेठ ९
जिल्लाको शुद्धोधन गाउँपालिका का नव निर्वाचित पालिका अध्यक्ष कमलेश शरण चौधरीले आज गाउँपालिकामा पदभार ग्रहण गरेका छन् । पदभार ग्रहण गर्न जादा चौधरीलाइ आज गाउँपालिका का कर्मचारीले पालिकाको कार्यालयमा स्वागत गरेका थिए ।
पालिका अध्यक्ष चौधरीले सोमबार दिउँसो २:०० बजे कपिलवस्तु जिल्ला अदालतमा शुद्धोधन गाउपालिका का निर्वाचन अधिकृतको उपस्थितिमा जिल्ला न्यायधिश तेजेन्द्र प्रसाद शर्मा बाट सपथ ग्रहण गरेका थिए l चौधरी सपथ ग्रहण पश्चात पालिकाको कार्यालयमा पदभार ग्रहण गर्दै हरेक क्षेत्रका बिज्ञ संग सल्लाह सुझाव तथा परामर्श गरेर जनहितका कार्य गर्ने घोषणा गरेका छन् ।
चौधरीले लोकतान्त्रिक समाजवादी पार्टीको साइकल चुनाव चिन्ह लिइ जनता समाजवादी पार्टीका उम्मेदवार निशार खानलाइ हराउँदै अध्यक्षमा निर्वाचित भएका हुन् । यस अघि उक्त पालिकाको अध्यक्ष निशार खान रहेका थिए । कोरोना महामारीक बेला चौधरीले जनताको सेवामा आफ्नो गाडी परिचालन गर्दै स्वयंम अक्सिजनको सिलिन्डर लगायतको ब्यवस्थापनमा दिनरात खटेका थिए । चौधरी कुनै पदमा नरहदा समेत निरन्तर जनहितका कार्यमा लागेकाले पालिकाको युवाहरु द्वारा निकै रुचाइएका पात्र हुन ।
यस्तै आजै शुद्धोधन गाउँपालिकाका नव निर्वाचित उपाध्यक्ष ओम प्रकाश चौधरी ( लाला चौधरी ) ले समेत पदभार ग्रहण गरेका छन् । उहाँ नेपाल कम्युनिस्ट पार्टी ( माओवादी केन्द्र ) बाट हसिया हथौड़ा चुनाव चिन्हले निर्वाचित भएका हुन् ।
पदभार ग्रहणका क्रममा पालिका का प्रमुख प्रशासकीय अधिकृत ऋषिराम पन्थी , शिक्षा शाखा प्रमुख धनी प्रसाद शर्मा , स्वास्थ्य शाखा प्रमुख असफाक अहमद खाँ, ईश्वरी न्यैपाने, विप्लक बन्जारे, राधिका खनाल , सूर्य प्रसाद पोखरेल , कमल थापा , सुरेश कहार लगायतका कर्मचारीहरू , संचारकर्मि , शुभचिन्तकको उपस्थिति रहेको थियो l
