पोखरा । पोखरा १६, बाटुलेचौरमा रहेको विन्ध्यवासिनी माविमा तीज गित प्रतियोगिता सम्पन्न भएको छ । तीजका अवसरमा आयोजना गरिएको प्रतियोगितामा कक्षा ४ देखि १२ कक्षासम्मका विद्यार्थीले भाग लिएका थिए ।
कक्षा ४ देखि ८ सम्मको प्रतिस्पर्धामा युनिसा गायकको समूह प्रथम, कामना तिवारीको समूह द्वितीय, शरद भट्टराईको समूह तृतीय र युनिकाको समूह सान्त्वना भयो ।
कक्षा ८ देखि १२ को प्रतिस्पर्धामा करिनाको समूह प्रथम, पूर्णिमा भट्टराईको समूह द्वितीय, रेणुकाको समूह तृतीय र तेजकुमारी साउदको समूह सान्त्वना भएको निर्णायक महेन्द्रमणि पौडेलले जानकारी दिए ।
विजयीलाई पुरस्कार वितरण गर्दै विद्यालयका प्रधानाध्यापक कृष्णप्रसाद आचार्यले तीज पर्व नेपाली नारीको मौलिक र संस्कृतिक पर्व भएकाले यसको जगेर्ना गर्नुपर्ने बताए । सहभागी समूहको शिक्षक महेन्द्रमणि पौडेल, इन्दु भट्टराई र तारा अधिकारीले मूल्यांकन गरेका थिए ।
कार्यक्रम सञ्चालन शिक्षक दुर्गा सापकोटाले गरेकी थिइन् ।
सामुदायिक विद्यालयतर्फ नेपालकै उत्कृष्ट सो विद्यालयलाई हिमालय क्लबले सम्मान समेत गर्ने जनाइएको छ ।
