पोखरा । निवृत्त शिक्षक समुदाय पोखरा २५ हेमजाको आयोजना र हेमजा बचत तथा ऋण सहकारीको सहयोगमा ५९ औं बालदिवसका अवसरमा हाजिरीजवाफ प्रतियोगिता भएको छ । निवृत्त शिक्षक समुदाय पोखरा २५ का अध्यक्ष कृष्णबहादुर कुँवरको अध्यक्षतामा भएको कार्यक्रममा जिल्ला अध्यक्ष छबिलाल आचार्य, उपाध्यक्ष भुवनेश्वर शर्मा, सहसचिव गमबहादुर कुँवर र सदस्य नरनाथ बरालको उपस्थिति थियो ।
प्रतियोगितामा वडाका ७ माध्यमिक विद्यालय सहभागी भएकोमा विष्णुपादुका मावि प्रथम, गौरीशंकर मावि द्वितीय, हेमजा बोर्डिङ स्कुल तृतीय र अम्बिका माविले सान्त्वना स्थान हासिल गरेका थिए ।
कार्यक्रममा जिल्ला अध्यक्ष छबिलाल आचार्य, निवृत्त शिक्षक समुदाय हेमजाका अध्यक्ष कृष्णबहादुर कुँवर, पोखरा २५ का वडाध्यक्ष मोतिलाल तिम्सिना लगायतले बालदिवस मनाउनुको औचित्य र कार्यक्रमको सान्दर्भिकताबारे धारणा राखेका थिए ।
