वडा कार्यालय र स्वास्थ्य कार्यालयको समन्वयमा ३ दिनसम्म संचालित शिविरमा १० विधामा २ हजार ५ सय ९६ सेवा उपलब्ध गराएको नेलम्बो नेपालले जनाएको छ । शिविरमा जनरल सेवा ५ सय ७०, हाडजोर्नी तथा नसा ३ सय ९८, स्त्रीरोग परीक्षण सेवा १ सय ९०, नाक कान घाँटी सेवा २ सय ६४, दन्त परीक्षण सेवा २ सय ९३, सुगर परीक्षण २ सय ८९, पिसाब परीक्षण सेवा १ सय ७९, भिडियो एक्सरे २ सय ४२ इसिजी २ सय २३, गर्भ परीक्षण १ जनाको भएको कार्यक्रम संयोजक भीमप्रसाद भण्डारीले बताए । केही व्यक्तिले २ वा सोभन्दा बढी पनि सेवा प्राप्त गरेका छन् ।
शिविरमा डा. सुदर्शन आचार्य, डा.विनोद बराल, डा.अंकुर केसी, डा.मनीषा बराल, डा.सिजन मर्सानीलगायत स्वास्थ्यकर्मी खटिएका थिए ।
नेलम्बो नेपाल अध्यक्ष एकदेव देवकोटाले आफूहरुको सानो प्रयासमा केही महिनापछि पुनः पुम्दीभुम्दीमा शिविर आयोजना गर्ने अवसर मिलेको बताए ।
वडाध्यक्ष हिमलाल बरालले वडाबासीको स्वास्थ्यमा नेलम्बो नेपालले चासो दिएर निशुल्क स्वास्थ्य शिविर आयोजना गरेकोमा धन्यवाद दिँदै आगामी दिनमा पनि सहयोगको अपेक्षा गरे ।
गण्डकी प्रदेशका सांसद प्रकाश बराल र वडाध्यक्ष हिमलाल बरालले असोज २६ मा शिविरको संयुक्त उद्घाटन गर्दै हरेकले आफ्नो स्वास्थ्यलाई ध्यान दिन आग्रह गरेका थिए ।
