सो अवार्ड विद्यालयका प्राचार्य किरण सापकोटाले ग्रहण गरे । उनले प्रतिभालाई उत्कृष्ट प्लस टु छनोट गरी अवार्ड प्रदान गरेकोमा आभार समेत व्यक्त गरे । मावि र उच्च माविमध्येबाट उक्त अवार्डका लागि प्रतिभा छनोट भएको हो । प्रतिभा नेपालकै उत्कृष्ट विद्यालयमध्येमा स्थापित बनिसकेको शिक्षण संस्था रहेको सापकोटाले दाबी गरे । उत्कृष्ट नतिजा, राम्रो व्यवस्थापन, शैक्षिक गुणस्तर, भौतिक पूर्वाधारलगायत मापदण्डलाई मूल्यांकन गर्दै प्रतिभालाई उक्त अवार्ड प्रदान गरिएको आयोजकको भनाइ छ ।
विद्यालय अध्यक्ष नारायण पौडेलले जापानमा आयोजित कार्यक्रममा उत्कृष्ट प्लस टुको अवार्ड प्राप्त गर्नु विद्यालका लागि गौरवको कुरा भएको बताए ।
पोखरा क्षेत्रमा विभिन्न व्यापार तथा व्यवसायमा स्थापित शैक्षिक उद्यमीको लगानीमा सञ्चालित प्रतिभाले सन् २०१८ मा युएईमा भएको कार्यक्रममा टिचिङ एक्सेलेन्स अवार्डसमेत हात पारेको थियो ।
